Nuk ka kaluar pa incidente ndeshja mes Luftëtarit dhe Teutës. Vendimet e gjyqtarit kryesor Blerim Ziri u kontestuan shumë nga vendasit dhe tifozët u irrituan jo pak. Edhe pse policia kishte marrë masa të rrepta pas ndeshjes, disa persona të paidentifikuar kanë sulmuar makinën e gjyqtarit Ziri, i cili ka qenë i shoqëruar dhe nga asistentët e tij. Vetë gjyqtarët nuk kanë janë dëmtuar dhe ja kanë hedhur paq, por makina është dëmtuar jo pak. Më pas tifozët janë larguar dhe fatmirësisht për Zirin tifozët nuk kanë degjeneruar në dhunë fizike, por janë mjaftuar vetëm me dëmet materiale.