Dhimbja e arbitrit, 90 minuta në krye të detyrës për të shpërthyer në lot në fund

Një episod emocionues ka ndodhur në kategorinë e tretë të futbollit italian. Luhej ndeshja Fermana-Sudtirol, që përfundoi ashtu siç nisi, në barazim pa gola. Ndeshja arbitrohej nga Marko Riki, i cili kishte përjetuar një nga dhimbjet më të mëdha.

Arbitri kishte humbur babain e tij tre ditë më parë dhe e kishte të thjeshtë të mos merrte pjesë në takimin e së dielës. Të gjithë preferojnë të “arratisen”, të mbyllin telefonin, të qëndrojnë vetëm dhe të humbasin në kujtimet e bukura, por Riki vendosi të tregohet profesionist dhe konfirmon prezencën e tij në ndeshje.

Pasi realizoi deri në fund detyrën e tij, arbitri fishkëllen tre herë për të sinjalizuar fundin e ndeshjes. Në këtë moment Marko nuk e mban më veten dhe shpërthen në lot. Të gjithë lojtarët dhe stafet e ekipeve mbeten të shtangur për një moment, por arbitri iu drejtohet të gjithëve, duke iu kërkuar falje dhe treguar historinë e tij.

Kishte arritur të mbante dhimbjen brenda përgjatë gjithë takimit, por në fund nuk mund t’i përballonte emocionet. Me të marrë vesh të vërtetën, lojtarët dhe stafet teknikë të dy ekipeve treguan mbështetje dhe solidaritet. Skenë fantastike me të gjithë lojtarët dhe drejtuesit e klubeve që përqafojnë arbitrin, duke e ngushëlluar dhe dhënë kurajë për të vazhduar përpara.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online