Dinamo është duke vuajtur në këtë fazë të kampionatit. Zhgënjim i madh për kryeqytetasit që pavarësisht afrimeve cilësore, nuk po arrijnë që të lënë gjurmën e tyre në elitën e futbollit shqiptar. Problemi më i madh është gjetja e rrjetës, teksa skuadra e Devollit ka 5 ndeshje pa shënuar një gol.
Në herën e fundit arritën që të barazonin pa gola ndaj Partizanit. Ndryshe nga nisja e sezonit, Cinedu ka nisur tatpjetën dhe performanca e tij po njeh vetëm zbritje. Me Skukën e larguar dhe gjendjen e rëndëuar psikologjike që shfaqet para porte, problemi duket shumë i vështirë për t’u zgjidhur. /Elio Hajdari-Sport Ekspres/