Chelsea ishte i interesuar për shërbimet e djaloshit që ka çmendur Europën, Haland. Megjithatë londinezët kanë dalë nga gara e madhe për të arritur te sulmuesi norvegjez për shkakun e çmimit të lartë që u vendos nga Dortmundi. Media prestigjoze “Goal” raporton se ekipi i Tuchel ka mbyllur përfundimisht çdo kontakt për të siguruar shërbimet e Haland. Nga ana tjetër Tammy Abraham pritet që të kalojë te Ëest Ham ose Leicester City, ndërsa nuk ka bindur aspak në këtë sezon.
Mbetet ende që të shihet se çfarë do të ndodh me të ardhmen e Olivier Giroud që ishte dëshira kryesore e sulmit të Milanit. Kur te Chelsea janë ende duke menduar për planet e sezonit të ardhshëm sa i përket sulmit, konfirmohet edhe njëehrë tjetër se Armando Broja do të jetë në mesin e lojtarëve që do të drejtohen nga Tuchel. Megjithatë nuk është vendosur asgjë dhe sulmuesi i Kombëtares duhet të bëjë përshtypje të mirë në sezonin përgatitor të verës përpara syve të trajnerit në mënyrë që të mos largohet në një tjetër huazim. /Sport Ekspres/