Një rekord i veçantë është regjistruar sot në kampionatin gjerman. Edhe pse në Bundesliga dihet që luhet një futboll i shpejtë dhe në çdo moment mund të ndëshkohet, java e 13-të ka sjellë 3 gola që në minutën e parë.
Asnjëherë më parë nuk kishte ndodhur që në një javë të vetme tre skuadra tra gjenin rrugën e rrjetës pa u mbushur 60 sekonda. Sot, në ndeshjen mes Gladbahut dhe Hanovërit, miqtë kanë shënuar që në start, me anë të sulmuesit Ud.
Një ditë më parë ishte radha e Demirbaj që të realizonte pa shkuar te minuta e dytë, në barazimin 3-3 që Herta mori me Hofenhajm. Goli i tretë i shënuar në minutën e parë është ai i de Guzman i Eitrahtit të Frankfurtit, i cili ndëshkoi Augsburgun. Një rekord shumë i rrallë që vështirë se do të thyhet dhe për shumë vite.