Goditje e dyfishtë për Fiorentinën, që deri tani kishte qëndruar në heshtje totale. Në një ditë të gjatë dhe të lodhshme, drejtuesit vjollcë kanë arritur që të sigurojnë dy lojtarë cilësorë, Marko Pjaca dhe Kevin Mirajas.
Kroati vjen nga Juventusi me huazim (1-2 mln euro) dhe me të drejtë blerje 20 mln euro dhe Juventusi mund ta marrë për 26 mln euro, ndërsa i dyti nga Evertoni me huazim (por pa mundësi blerje).
Trajneri Pioli gjen kështu në organikë dy lojtarë niveli, që mund të përdoren për treshen e sulmit. Mirajas mund të luajë në të djathtë apo të majtë, por edhe numër “9” fals. Pjaca di të përshtatet mirë në të majtë dhe djathtë.