Vendime karriere, vendime jete, ndonjëherë të gabuara. Me siguri i tillë është rasti i Leonardo Bonuçit, i cili sot është kthyer 100%, pas një viti në Milano.
Ka bërë prapakthehu mbrojtësi i Italisë, i cili e kuptoi se nuk kishte kohë të priste projektin e Milanit, që dështoi sezonin e fundit.
Shprehu dëshirën të kthehej në shtëpi, Juventusi e fali, e riktheu në bardhezi, ngjyrat që Bonuçi i ri veshi sot.
Uli pagën vetëm e vetëm për të luajtur me Kristiano Ronaldon, për të tentuar Champions League që te Milani nuk dihet kur do kthehet më. Të gjithë të lumtur, përveç tifozëve të Juves, të cilët nuk harrojnë dhe nuk falin. Për momentin…