Karriera e Etrit Berishës ka marrë një rrjedhë krejtësisht tjetër së fundmi. Pas një sezoni të cilin e ndoqi nga tribuna, për shkak të përplasjes që pati me trajnerin Juriç, portieri shqiptar u transferua në radhët e Empolit.
Gardiani i Kombëtares kuqezi ka marrë menjëherë vendin e titullarit te toskanët dhe kampionatin e nis me një përballje mjaft delikate. Empoli do të luajë sot kundër Juventusit dhe Etrit Berisha do të ketë për detyrë të ndalojë Vlahoviçin e Kiezën të shënojnë në portën e tij./Halit Delibashi-Sport Ekspres/