Valon Behrami rikthehet sërish në Itali. Kështu, ish-lojtari zviceran i Xhenoas, Veronës, Lacios, Fiorentinës dhe Napolit tashmë ka arritur akordin dhe ka firmosur një kontratë dyvjeçare me Udinezen, duke hyrë kështu në skuadrën e të besuarve të Delnerit.
Rikthimi në Itali i 32-vjeçarit zviceran me origjinë kosovare është konkretizuar falë një tratative blic. “Kishim nevojë për një lojtar me këto karakteristika dhe këtë eksperiencë dhe Behrami, nga ana e tij, kishte dëshirë të rikthehej në Serinë A”, kanë qenë fjalët e drejtorit të përgjithshëm të Udinezes, Kolavino.