Lacio është duke luajtur ndeshjen çerekfinale të Kupës së Italisë kundër Juventusit. Përpara fillimit të ndeshjes, Igli Tare ka folur për mikrofonin e “Mediaset“-it. Drejtori sportiv shqiptar është shprehur se Lacio e ndjen veten favorite përballë Juventusit, që gjendet në një moment të vështirë për shkak të dënimit që ka marrë së fundmi nga Gjykata Federale.
“A ndihemi ne favoritë? Unë mendoj se absolutisht po. Është një Juve që ka nevojë për një reagim të madh dhe ky efekt këtu mund të jetë gjithashtu një arsye që ne të bashkohemi më shumë dhe të shkojmë përtej mundësive të tyre në këtë moment”, ka deklaruar Igli Tare./Halit Delibashi-Sport Ekspres/