Australian Open: Kvitova e Osaka marshojnë mes vapës, tashmë përballen në finale

Petra Kvitova është kualifikuar për herë të parë për një finale në Grand Slam prej 2014, pasi mposhti vapën dhe amerikanen befasuese Daniele Kolins (eliminoi bujshëm Kerber, Goerges e Garsia) në 2 sete, në Australian Open.

Dy herë kampione në Uimbëlldon, Kvitova u duk se e mbylli me tenisin, kur mbeti viktimë e një sulmi me thikë në dhjetor 2016, në shtëpinë e saj.

Githsesi, 28-vjeçarja çeke nuk u dorëzua dhe është kthyer në nivelin më të lartë, ndërsa në gjysmëfinale mposhti Kolins 7-6 (7-2) 6-0 në Melbourne Park, me termometrin që arriti deri në 40 gradë celsius.

Drop shot ?? lob ?? smash

Brilliant point from @Petra_Kvitova #AusOpen | @Channel9 pic.twitter.com/rnQ3iGkCrn

— #AusOpen (@AustralianOpen) January 24, 2019

Kvitova do të përballet në finale me kampionen e US Open, Naomi Osaka, e cila mposhti një tjetër çeke, Karolina Pliskovën, në 3 sete, 6-2 4-6 6-4, duke siguruar finalen e dytë rresht në turnetë e Grand Slam.

Numri 4 i tabelës, Osaka dominoi në setin e parë, por i nxehti masakrues ia prishi ritmin dhe Pliskova, e cila eliminoi bujshëm Serena Uilliams në çerekfinale, arriti të fitonte setin e dytë.

Gjithsesi, në setin final Osaka nuk gaboi më dhe siguron finalen kundër Kvitovës, në një betejë mes dy prej tenisteve me goditjen më të fortë në qarkullim.

She does it ?@Naomi_Osaka_ def. Karolina Pliskova 6-2 4-6 6-4 to reach her first #AusOpen final. pic.twitter.com/MUEQFPbZrI

— #AusOpen (@AustralianOpen) January 24, 2019