Antuan Grizman zyrtarizoi largimin e tij nga Atletiko një natë më parë, ndërkohë Lukas Hernandez prej kohësh ka firmosur me Bajernin. Kështu, Atletiko Madrid duket se e ka nisur më vrullshëm se çdokush merkaton e verës.
Përveç këtyre të emrave, “Los Colchoneros” kanë lëvizur përsëri dhe Lusiano Vieto është largimi i radhës. Argjentinasi, i cili ishte i huazuar te Fulhemi këtë sezon, do të largohet te Sportingu, me Atletikon që do të përfitojë 7.5 milionë euro, ndërsa do të mbajë edhe 50% të kartonit.
? OFICIAL | El @Atleti vende a @LucianoVietto al @Sporting_CP por 7,5M de euros, pero se guarda el 50% de sus derechos
? Además el Atlético paga 22,5M de euros para quedarse en propiedad a @GelsonMartins_ pic.twitter.com/KPh8VYtYCV
— El Partidazo de COPE (@partidazocope) May 14, 2019
Përsëri mbetemi në aksin Lizbon-Madrid, teksa Gelson Martins është zyrtarisht një lojtar i madrilenëve. Verën e shkuar portugezi u mor me parametra zero, por Sporting kishte kërcënuar se do ta hidhte në gjyq Atletikon.
Gjendur në këtë situatë, këta të fundit kanë paguar plot 22.5 milionë euro dhe tashmë gjithçka është mbyllur. Gelson Martins është lojtar i Atletikos 100%.