Raporti mes Mbapesë dhe Nejmarit ka ndryshuar ndjeshëm, teksa është përfolur edhe për një kërkesë të francezit për të larguar shokun e tij nga ekipi. Dyshja këtë sezon është kthyer në qendër të vëmendjes së mediave, me rastin e fundit që vjen pas ndeshjes me Juventusin.
Mbape zgjedh të godasë vetë në një kohë kur Nejmari gjendej i pambuluar në zonë dhe në një pozicion të mirë për të shënuar. I pyetur në lidhje me ketë rast, trajneri Galtier ka marrë në mbrojtje sulmuesin francez, pasi shprehet se nuk e kishte parë Nejmarin në zonën e rreptësisë.
“Mbapeja nuk i pasoi Nejmarit kundër Juventusit? Marrëdhënia e tyre është shumë e mirë. Ata rrinë shpesb bashkë. Po, ndodhi kjo situatë. Fola me Kilianin, nuk e kishte parë Nejmarin”, ka thënë Galtier./Halit Delibashi-Sport Ekspres/