Tirana luan nesër sfidën më të rëndësishme të këtij sezoni. Bardheblutë do të udhëtojnë drejt Laçit, ku fitorja i jep në duar titullin kampion. Sigurisht që në një përballje të tillë nuk mund të mungojnë as tifozët besnik të klubit kryeqytetas.
“Tirona Fanatics” njoftojnë përmes faqes së tyre në “Facebook” se do të udhëtojnë drejt Laçit për të përkrahur skuadrën e tyre të zemrës dhe për të festuar së bashku me lojtarët në rast se fitojnë titullin kampion të “Abissnet Superiores”.
“Të premten udhëtojmë drejt Laçit… Nisemi së bashku nga stadiumi “Selman Stërmasi” në orën 14:45… Bileta udhëtimit kushton 600 lekë… Arsye për mungesa nuk ka…erdhi koha! PËR KAMPION”, shkruan grupimi “Tirona Fanatics”./Halit Delibashi-Sport Ekspres/