Arsenali ka zyrtarizuar ditën e sotme marrëveshjen për sponsorin e ri të veshjeve të klubit. Gjiganti gjerman i veshjeve “Adidas”, duke nisur nga sezoni i ardhshëm do të jetë sponsori më i ri i veshjeve për Arsenalin.
“Topçinjtë” e Londrës vishen aktualisht nga “Puma” dhe me marrëveshjen e re thuhet se do të përfitojnë rreth 300 milionë sterlina nga “Adidas”. Gjithashtu Mançester Junajtid ka si sponsor “Adidas” dhe përfiton rreth 75 milionë sterlina çdo vit, ndërsa Çelsi përfiton 60 milionë sterlina nga gjiganti tjetër “Nike”.
Kështu sipas faqes zyrtare të londinezve, Arsenali që nga 1 korriku i vitit të ardhshëm do të vishet nga “Adidas”.