Arrestohet braziliani i Flamurtarit

0

Sikur të mos mjaftonin vuajtjet e sezonit të sapombyllur dhe problemet e mëdha financiare, tashmë Flamurtarit i lind një problem i ri.

Futbollisti brazilian Mauricio Leal ka përfunduar në pranga, për shkak se është ndaluar nga policia dhe ka rezultuar se ngante pa leje drejtimi të rregullt.

Qendërmbrojtësi brazilian, i ardhur në janar, duket se ka kundërshtuar forcat e rendit, çka ka çuar në arrestimin e tij.

Ndonëse sezoni ka mbaruar, Mauricio Leal është ende në Vlorë në pritje të pagave të prapambetura, ndërsa tani duhet të zgjidhë edhe telashet ligjore.

NJOFTIMI I POLICISË VLORË

Policia ka arrestuar në flagrancë shtetasin:

· Mauricio Leal, 30 vjeç, lindur në Brazil, banues në Vlorë.

Policia ka bërë arrestimin e tij në Radhimë, pasi ky shtetas po drejtonte mjetin tip Benz, pa leje drejtimi përkatës dhe duke udhëtuar në këto kushte nuk i është bindur urdhërit të punonjësit të policisë rrugore për të ndaluar.

Materialet iu referuan Prokurorisë për veprën penale “Drejtimi i automjetit në mënyrë të parregullt” dhe “Mosbindja ndaj urdhërit të punonjësit të policisë së rendit publik”, të parashikuara nga nenet 291 dhe 242 të Kodit Penal.

You might also like
Leave A Reply

Your email address will not be published.