Pas pesë ndeshjeve pa fitore, ekipi i Malagës arrin të shohi dritën e gjelbërt. Në javën e 19-të, Armando Sadiku ka qenë protagonist i gjithçkaje në fitoren e pastër 2-0 ndaj Tenerife. Bomberi shqiptar i ndihmuar dhe nga “ushtarët” e tij, siç raportojnë mediat spanjolle, vulosi fitoren me dopietë.
Nga njera anë Malaga nisi festën e nga krahu tjetër, trajneri i ri nuk e nisi si duhej aventurëne re. Ruben Baraja, ish-trajneri i Valencias për 6 vite, debutoi me humbje në ndeshjen e parë me Tenerife. Dhe sigurisht për këtë fajtori ka një emër, Armando Sadiku. Një çlirim emocional dhe fizik edhe për sulmuesin i cili në një farë mënyre e ka vuajtur ndjesinë e të zgjidhurit gjërat i vetëm./Sport Ekspres/