Edon Hasani ka disa muaj që ka mbyllur marrëdhëniet me Kukësin dhe që atëherë pret ofertat për të vazhduar karrierën. Mesfushorit shkodran nuk i mungojnë “mëtonjësit”, me Flamurtarin e Vllazninë që kanë hedhur hapa konkrektë duke i bërë ofertë, por edhe klube të tjerë kanë shprehur interes.
Megjithatë, Hasani vijon të presë dhe Supersporti raporton se dyshimet e tij lidhen me faktin se ka një ofertë të mundshme edhe nga Sepahani.
Ish-klubi iranian i Xhevahir Sukajt dhe Ervin Bulkut ka shprehur interesim për Hasanin, i cili po pret një ofertë zyrtare, para se të japë një përgjigje.