Tirana-Partizani është kryendeshja e javës së ardhshme në Superiore. Derbi i kryeqytetit do të ketë gjithë vëmendjen, për vetë situatën ku ndodhen të dy ekipet. Nga njëra anë bardheblutë janë në një moment pozitiv dhe kërkojnë fitoren karshi skuadrës së Dajës, që nuk e njeh ende suksesin e parë në kampionat.
Një tjetër rezultat negativ mund të sillte ndryshime të mëdha te Partizani. Kjo përballje do të zhvillohet në ditën e hënë në “Air Albania” dhe do të nisi në orën 19:45. Së fundmi janë publikuar edhe çmimet e biletave për tifozët që dëshirojnë të jenë të pranishëm në këtë ndeshje. /Sport Ekspres/