Kur kanë mbetur më pak se 30 minuta nga starti i ndeshjes kualifikuese Shqipëri-Lihtenshtejn, stadiumi Elbasan Arena është ende thuajse bosh. Temperatura shumë të larta dhe interesim jo i jashtëzakonshëm, por në minutat para fillimit të takimit pritet fluks i madh tifozësh, si zakonisht në Shqipëri.
Ndërkaq, në intervistë për Supersportin, Sekretari i Përgjithshëm i Federatës Shqiptare Ilir Shulku e ka konsideruar normale praninë e paktë të tifozëve, duke e justifikuar me të nxehtin e madh dhe emrin e vogël të rivalit.
