Leonit Abazi foli pas ndeshjes për “Supersport” në emisionin “Gol pas Goli”, ku jo vetëm që tregoi se ishte i lumtur që paraqitjet e tij kanë ardhur në rritje. Por thumboi dhe rivalët e Partizanit, duke treguar se më e vështirë ishte për ta për të marrë 3 pikët ndaj Kastriotit se ndaj Partizani.
“Ishte një ndeshje shumë e vështirë. Jam shumë i lumtur që arritëm fitoren dhe kjo ishte shumë e rëndësishme për ne”.
“Në pjesën e parë luajtëm shumë mirë, ku dhe shënuam, por patëm dhe 5-6 raste për shënim. Në pjesën e dytë lëshuam disi, por patëm raste edhe pse nuk ishim të saktë në finalizim”.
“Unë jam shumë i lumtur që u riktheva për të luajtur. Kam bërë të pamundurën për t’u rikthyer në formacion. Më bëhet qejfi që e kam arritur dhe tani duhet të punoj sa më shumë që të shkoj sa më parë”.
“Më shumë vuajtëm me Kastriotin për të marrë 3 pikë”.