Real Madridi ka fituar sot transfertën me Celtic-un me rezultatin 0-3. Kampionët në fuqi janë pritur në Skoci nga një stadium i stërmbushur që nuk zhgënjeu të jepte një atmosferë drithëruese. Brohorimat nuk munguan që nga fillimi i sfidës, duke e bërë edhe më të bukur ndeshjen. Por tifozeria e Celtic-ut diti të tregojë klas edhe me sjelljen ndaj kundërshtarëve.
Luka Modriç është zëvendësuar gjatë takimit dhe është shoqëruar jashtë vijave kufizuese me duartrokitjet e tifozëve të Celtic-ut. Një respekt i jashtëzakonshëm për kroatin, të cilit i ka bërë përshtypje dhe ka vendosur t’i falenderojë publikisht përmes rrjeteve sociale. “Një atmosferë e veçantë. Faleminderit ‘Celtic Park’”, ka shkruar Luka Modriçi në llogarinë e tij zyrtare në “Twitter”./Halit Delibashi-Sport Ekspres/
Celtic fans applauding Modric ? pic.twitter.com/HSF7qlwWgG
— ????? (@zi_46) September 6, 2022