Lojtarët e PSG-së mbrëmë kanë mposhtur Juventusin me rezultat 2-1 para tifozëve të tyre në ndeshjen e javës së parë të fazës së grupeve të Ligës së Kampionëve. Parisienët e hapën këtë ndeshje në mënyrë fantastike dhe kaluan në avantazh 1-0 në minutën e pestë. Neymar dha një asistim spektakolar për Kylian Mbappe, i cili gjeti rrjetën e Juventusit për të festuar tifozët vendas.
Megjithatë, PSG vazhdoi të luante në një nivel të shkëlqyer pas kësaj dhe së shpejti skuadra vendase dyfishoi epërsinë. E këtë herë në qendër të vëmendjes ishte Mbappe, i cili shënoi gol për 2-0 pas një kombinimi të shkëlqyer me Hakimin. Dukej se Juventusi mund të humbiste thellë, por Zonja e Vjetër arriti të rikthehej në jetë në pjesën e dytë.
Në minutën e 53-të, Juventusi shkurtoi rezultatin në 2-1 me golin e McKennie dhe humbi disa mundësi të shkëlqyera për të barazuar në 2:2 dhe për të shmangur humbjen, por në fund Gigi Donnarumma shpëtoi PSG-në me pritje të shkëlqyera.
Megjithatë, duhet theksuar se dy minuta më parë, PSG mund të kishte zgjidhur gjithçka dhe t’i jepte fund kësaj ndeshjeje, por Mbappe nuk arriti të kthejë në gol një kundërsulm të shkëlqyer. Ndonëse shkëlqeu mbrëmjen e djeshme, Mbappe arriti të tregojë edhe një herë se qartë mendonte vetëm për veten dhe se për të ishte më e rëndësishme të shënonte një hat-trick sesa të asistonte Neymar, i cili ishte i vetëm në krahun tjetër dhe u irritua jo pak në atë moment. /Sport Ekspres/
What do we blame Mbappe’s recent selfishness towards Messi and Neymar on? His football ethics or just the coach’s ignorance? This could’ve been his easiest assist of the season and Neymar’s easiest goal.
Messi got subbed and I switched to Manchester City. pic.twitter.com/SJyOORm9Ls
— ??Rock™ (@staconzy16) September 6, 2022