Shevçenko nuk mund ta harrojë kurrsesi një prej ngjarjeve që ka shënjuar historinë botërore. Tragjedia e Çernobillit është ngjarja që do të ndodhte në 26 prill të 1986 ku shpërthimi bërthamor ishte tronditje e madhe në Ukrainë. Legjenda e futbollit europian, Shevcenko, është shprehur në rrëfimin e sinqertë se kjo ngjarje i ka marrë miqtë më të mirë. “Rreth meje kishte gjithnjë e më pak miq të mi të vjetër. Të gjithë miqtë e mi ndërruan jetë.
Jo nga rrezatimi, por nga alkoolizimi, droga dhe problemet e tjera. Bota që ne njohim ishte duke u shembur. Si shumë njerëz të tjerë, miqtë e mi humbën besimin në gjithçka, ishin plotësisht të humbur. Vetëm dashuria për futbollin dhe prindërit më shpëtuan”, tha Shevcenko. /Sport Ekspres/