Rei Manaj po kryen sezonin më të mirë në karrierën e tij te Barcelona B. Sulmuesi shqiptar shkoi në kuotën e 10 golave pasi tundi rrjetën edhe në ndeshjen e fundit të katalanasve të vegjël kundër Villareal B. Pas këtij goli, Manaj mbërrin në kuotën e 10 realizime. Asnjëherë më parë Manaj nuk ka shënuar kaq shumë, teksa rekordi mbahej deri tani në sezonin 2018-2019 kur ishte pjesë e Albacetes me 6 gola të shënuara.
Barcelona B ka treguar në ditën e sotme edhe statistikat e Rei Manajt për të theksuar se ndaj Vijarealit ishte goli i 10 i këtij sezoni dhe 6 prej tyre janë shënuar me penallti. E për t’u ndalur te kjo e fundit, sulmuesi shqiptar është “i hidhur” nga 11-metrat pasi ka 100% saktësi. Kjo është parë edhe në golin e fundit teksa portieri kundërshtar nuk kishte asnjë shpresë të vetme për ta pritur topin që shkoi në cepin e rrjetës. /Sport Ekspres/
? Desè GOL de la temporada de Rey Manaj / Sisè que marca de penal (100% d’efectivitat). ?
? Décimo GOL de la temporada de Rey Manaj / Sexto que marca de penalti (100% de efectividad). ?#ForçaBarçaB?? pic.twitter.com/kkHboi4icV
— FC Barcelona B (@FCBarcelonaB) April 20, 2021