Partizani nesër do të zhvendoset në Turqi, ku edhe do të zhvillojë disa ndeshje miqësore. Rivalët janë përcaktuar prej disa ditësh, por tanimë klubi i kuq ka zbuluar edhe oraret. Sikurse dihet, përballë Partizanit do të vihen Sivaspori, Antaliaspori dhe Shaktar Karagandi.
MIQËSORET NË ANTALIA
9 janar, ora 15:00 | Sivaspor-Partizani
11 janar, ora 15:30 | Antaliaspor-Partizani
14 janar, ora 18:00 | Shaktar Karagandi-Partizani
https://www.facebook.com/partizaniclub/photos/a.180026368858434/984883398372723/?type=3&theater
MERKATO – Tifozët më së shumti i kanë sytë nga afrimet, pasi për t’u ruajtur vendi i parë në kampionat nuk do të jetë e lehtë. Kukësi, që ka tre pikë më pak, ka bërë afrime të rëndësishme si Shkurtaj e Rroca dhe normalisht që do të duhet që nën urdhrat e Gegës të ketë edhe të tjerë lojtarë cilësorë.
Deri më tani nga Partizani është larguar mbrojtësi Renato Gojkoviç, i cili u afrua janarin e shkuar. Nigeriani Uakili as nuk mund të llogaritet si dalje, duke parë faktin që në asnjë moment ai nuk iu bashkua grupit.