9 vjet kontratë, Saul “prangoset” në Madrid!

0

Atletiko e Madridit ka “prangosur” supertalentin spanjoll Saul, një ndër futbollistët më të kërkuar në tregun botëror. Mesfushori ofensiv ka kthyer në vepër dashurinë e shprehur me fjalë për klubin që e ka bërë të famshëm.

Sot Saul ka firmosur një kontratë afatgjatë, nga më të gjatat në historinë e futbollit.

22-vjeçari ka zgjatur që tani konmtratën e tij, duke i shtuar edhe 5 vite të tjera, deri në 30 qershor 2026.

“Jam i lumtur këtu, jemi një familje dhe nuk ka vend tjetër më të mirë se ky për mua”, tha Saul, i cili të premten humbi me Spanjën U-21 finalen e Europianit kundër Gjermanisë 1-0.

Që prej debutimit, në vitin 2012, Saul ka fituar Europa League, Kupën e Spanjës dhe Superkupën me Atletikon, ndërsa ka humbur dy finale në Champions League kundër Realit.

You might also like
Leave A Reply

Your email address will not be published.