Pedri është “thesari më i çmuar” i Barcelonës dhe Kombëtares së Spanjës, nga i cili pritet shumë në të ardhmen. Talenti spanjoll, pavarësisht se vetëm 18 vjeç, ka vendosur një rekord të pabesueshëm në botën e futbollit. Finalja e Lojërave Olimpike ishte paraqitja 73-të brenda një sezoni për mesfushorin e ri.
Një shifër e pabesueshme kjo që është përballuar me sukses nga Pedri, që ka lënë mënjanë lodhjen dhe në fushë ka shfaqur vetëm cilësi. Por edhe pse la pas një sezon sfilitës, një tjetër është gati të nisë për të. Sipas “AS”, Pedri do të duhet të mbledhë energjitë e shpenzuara në vetëm një javë pushim, teksa me fillimin e La Ligas do të rikthehet përsëri nën urdhërat e trajnerit Koeman./Halit Delibashi-Sport Ekspres/