22 vjet e 5 Kupa Bote, Rafa Markez ndalet këtu

0

Pak javë pas mori pjesë në Botërorin e tij të pestë me Meksikën, Rafa Markez i jep lamtumirën futbollit. Mbrojtësi meksikan ka publikuar një letër në rrjetet sociale, ku njofton se ka vendosur të varë këpucët në gozhdë.

Markez është 39 vjeç dhe një ndër futbollistët e paktë në histori qr kanë luajtur në 5 Kupa Bote, ndaj me të drejtë është një hero në Meksikë, ku konsiderohet mbrojtësi më i mirë në historinë e këtij vendi.

Një karrierë plot suksese, sidomos të Barcelona, sepse në 20 trofe të fituar në karrierë mes klubeve e kombëtares, 12 i ka fituar te Barcelona.

Kaiser i Miçoakan, siç e quajnë në Meksikë, ka fituar 2 herë Champions League, ndërsa tani do të vijë si drejtues i lartë i klubit meksikan Atlas, aty ku nisi karrierën si futbollist.

“Kanë qenë 22 vite në të cilat ndihem shumë i lumtur që kam bërë shumë sakrifica, sforcime, gabime, suksese, që ndonjëherë kanë dhënë trishtim e zhgënjim, por në shumicën e tyre kanë dhënë shumë gëzim”, shkruan ndër të tjera Rafa.

You might also like
Leave A Reply

Your email address will not be published.