Zyrtare, Kukeli bashkohet me Tramexanin në Sion

0

Burim Kukeli është transferuar nga Zyrihu te Sioni. Mesfushori i kombëtares sonë kishte kohë që kërkohej nga Paolo Tramexani, i cili ia njeh mirë cilësitë.

Për 33-vjeçarin nga Gjakova vjen një aventurë e re në karrierë, pas 9 vitesh mes Lucernës e Zyrihut. Te Zyrihu prej vitit 2012, Kukeli luajti thuajse 100 ndeshje, duke shënuar edhe 2 gola.

Kontrata e tij përfundonte në verën e vitit 2018, por Sioni ka arritur ta blejë, ndonëse nuk ka shifra zyrtare për operacionin dhe nuk pritet ndonje pagesë e madhe, duke parë moshën e mesfushorit, i cili nuk ishte në planet e Zyrihut, edhe pse luajti si titullar në mbrojtje në dy ndeshjet e para sezonale.

Në Sion Kukeli ka firmosur kontratë 2-vjeçare dhe klubi e ka zyrtarizuar lajmin. Në këtë mënyrë, te Sioni bëhen dy lojtarë të kombëtares sonë, pas firmës së Lenjanit.

SHPËRNDAJE

PËRGJIGJU

Please enter your comment!
Please enter your name here