Një tjetër detaj është zbuluar nga “Air Albania”, atje ku Shqipëria do të luajë përballë Francës. Spektakël i vërtetë do të dhurohet nga ana e kuqezinjëve, ndërsa krahas dritave që do të krijojnë një atmosferë të pazakontë për Shqipërinë me fikjen dhe ndezjen e tyre, do të ketë edhe 21.000 flamuj shqiptar.
Kjo është raportuar nga ana e “Procesit Sportiv”, ndërsa flamujt janë gati dhe në çdo ulëse të tifozëve janë lënë gati. Kështu në fillimin e ndeshjes të gjithë tifozët do të valvisin simbolin kombëtar dhe do të krijohet një atmosferë brilante që do të mbush edhe lojtarët e Kombëtares para nisjes së ndeshjes kundër kampionëve të botës. /Sport Ekspres/