“Skrapari kënaqet vetëm me Kategorinë e Parë”

0

Tre javë më parë kishte shpërthyer me të drejtë, duke shfaqur pretendimet e tij për mungesën e mbështetjes financiare ndaj Bashkisë së Çorovodës. Tani, biznesmeni dhe sponsori i mirënjohur i Skraparit Hysen Caka është rikthyer më fuqishëm se kurrë më parë, duke kryer një investim shumë të rëndësishëm me afrimin e plot 11 futbollistëve, dhe për më shumë duke shfaqur një pretendim dhe objektiv madhor.

Synimi është që në sezonin e ardhshëm skuadra e Skraparit të synojë fuqishëm rikthimin pas gjashtë sezoneve në Kategorinë e Parë. Në një prononcim për “Sport Ekspres” gjatë ditës së shtunë sponsori Hysen Caka shprehet: “Afrimi i 11 futbollistëve në merkaton e kësaj vere, si dhe fitorja në miqësoren e parë ndaj Osumit më kanë bindur mua dhe stafin teknik, se në kampionatin e ardhshëm skuadra e Skraparit do të jetë një pretendente serioze për t’u ngjitur në Kategorinë e Parë dhe rival si Shkumbini dhe Naftëtari nuk na trembin aspak, sepse do të investoj më shumë se çdo skuadër tjetër rivale”, ka deklaruar sponsori Caka.

Edi Spahiu

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.