Kosova do të luajë sot në mbrëmje në transfertë ndaj Republikës Çeke, në një ndeshje që ka një vlerë të madhe për të dyja përfaqësueset sa i përket sigurimit të një vendi në Europiain e 2020. Por situata nuk ka qenë aq e qetë, teksa sipas raportimeve të “Gazeta Olle” një grup prej rreth 30 tifozësh serb dhe çek i janë drejtuar hotelit ku dardanët janë duke qendruar dhe kanë nisur koret provokuese.
“Serbi, Serbi” apo edhe “Kosova është Serbi” kanë qenë frazat që janë dëgjuar prej tyre, duke u përpjekur kështu të ndikojnë psikologjikisht te lojtarët e Kosovës me anë të këtyre provokimeve. Policia vendase ka reaguar në mënyrë të menjëhershme duke e larguar këtë grupim nga hoteli në të cilin po qendronin dardanët.
Megjithatë forcat e rendit nuk kanë arritur të shmangin incidentin ka lindur mes tifozëve serb dhe atyre shqiptarë që kanë udhëtuar drejt Çekisë për të mbështetur Kosovën nga afër. Nga raportimt e fundit mësohet se kjo përleshje mes tyre ka shkuar larg, pasi ka pasur edhe persona të pëgjakur. /Sport Eskpres/