Përforcimi i orëve të fundit, Tirana me një “armë” më shumë

0

Kampionati shqiptar do të pushojë këtë fundjavë si pasojë e vendimit të arbitrave. Ata dolën me një qëndrim, ku theksonin se nuk do të rrezikojnë jetën. E gjitha kjo erdhi pas dhunës së ushtruar ndaj arbitrit Eldorian Hamiti në fund të ndeshjes Kamza-Laçi.

Në pamundësi për të luajtur ndeshje zyrtare Tirana përfitoi për të zhvilluar një miqësore. Bardheblutë e Memës do të përballen sot (e premte) me Korabin, ndeshje që do të zhvillohet në stadiumin “Selman Stërmasi”, ora 14:00.

Klubi kryeqytetas ka marrë një tjetër lajm të mirë, pas mbërritjes së Namdi Oduamadit në Tiranë gjatë ditës së mërkurë. Nigeriani ka pesë muaj pa luajtur dhe ka nevojë për kohë për të kapur ritmin e shokëve.

“Sportekspres.com” mëson se është rikthyer edhe Junus Sentamu. 24-vjeçari nga Uganda ka mbërritur pasditën e së enjtes në kryeqytet. Ai është parë në ambientet e vilës “Gold”, ndërsa pritet që nesër t’i bashkohet ekipit në miqësoren kundër ekipit dibran.

Junus Sentamu

Sentamu, i cili ka shënuar 7 gola gjatë këtij sezoni, ishte mungesa e madhe e bardhebluve në këtë vit, pasi lojtari e vonoi shumë rikthimin e tij në kryeqytet. Ky është një lajm i mirë për trajnerin Mema, i cili tashmë do të ketë më shumë alternativa për repartin ofensiv.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.