Jonghong Li është në telashe të mëdha dhe pas falimentimit të një prej kompanive të tij në Kinë, tashmë presioni është rritur ndjeshëm dhe brenda ditës së sotmd pronari i Milanit duhet të gjejë 10 milionë euro, për shtimin e ri të kapitalit. Ndonëse është pronar i klubit, realisht Li është në duart e fondit të investimeve Eliot, që i ka dhënë borxh shifra të mëdha për blerjen e klubit kuqezi. Nëse Eliot vendos të mbulojë edhe shifrën që duhet derdhur sot, praktikisht i lind e drejta ta marrë Milanin dhe ta nxjerrë në shitje.
Sipas La Repubblica, Eliot ka që tani në listë dy fonde investimesh që janë gati ta blejnë Milanin: një drejtohet nga miliarderi nga Uzbekistani Abisher Usmanov dhe tjetri nga emiri Saed Al Falasi.
Ndërkaq, Tuttosport shton në listën e të interesuarve edhe biznesmenin rus Dmitrij Ribolovlev, pronari aktual i Monakos në kampionatin francez.