Deshamp e la në “pritje”, mesfushori i PSG-së i thotë: “Jo, faleminderit”

0

Mesfushori francez Adrien Rabio i ka shkruar një e-mail trajnerit të Francës Didjë Deshamp, duke i komunikuar që nuk pranon të jetë një ndër alternativat “në pritje” e Francës për në Kupën e Botës

23-vjeçari ishte në listën prej 11 lojtarësh të konsideruar “rezerva” nga Deshamp, i cili e ka shpallur tashmë listën prej 23 lojtarësh që do të shkojë në Botëror.

Edhe para dy vitesh Rabio ishte te rezervat, duke u stërvitur me kombëtaren deri pak ditë para Europianit, sepse mund të kishte dëmtime në ekipin e parë.

Megjithatë, këtë vit Franca ka bërë të ditur se “rezervat” do të qëndrojnë në shtëpi, në pritje të ndonjë njoftimi nëse ka dëmtime në ekipin kombëtar.

Këtë gjë Rabio nuk e ka kapërdirë, duke hequr dorë nga kombëtarja, edhe pse i vetëdijshëm se është një zgjedhje që mund ta djegë përfundimisht në kombëtare.

Të enjten e shkuar, Deshamp deklaroi: “Paraqitjet e Adrienin me kombëtaren franceze nuk janë aspak në nivelin e atyre te PSG”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.