Skënderbeu e nis merkaton me vrull të madh, teska ka prezantuar 4 lojtarë mbrëmjen e sotme. Ekipi korçar ende po vuan pasojat e dënimit nga UEFA për mospjesëmarrjen në Kupat e Europës dhe këtë e tregojnë rezultatet në fushën e lojës. Bardhekuqtë këtë sezon gjenden në zonën e ftohtë të tabelës dhe për këtë arsye nevojiten afrime të reja për të ndryshuar situatën te juglindorët. Prapavija është përforcuar me 3 mbrojtës, që do të vihen menjëherë nën urdhërat e trajnerit Julian Ahmataj
“4 afrimet e para, bashkohen me ekipin. KF Skënderbeu prezanton 4 afrimet e para në merkaton e Janarit, Vangjel Zguro, Agbodzie Abbey (21 vjeç, qëndërmbrojtës), Melos Bajrami (18 vjeç, mbrojtës) dhe Leard Sadriu (19 vjeç, Mbrojtës) janë zyrtarisht futbollistë bardhekuq. 4 futbollistët e rinj bardhekuq janë bashkuar me ekipin në stëvitje dhe janë në dispozicion të trajnerit Julian Ahmataj“, njofton klubi i Skënderbeut përmes faqes zyrtare./Halit Delibashi-Sport Ekspres/