Teksa futemi në periudhën e merkatos së janarit, Teuta ka bërë lëvizjet e para. Bëhet fjalë për dy futbollistët që nuk do të jenë më pjesë e skuadrës dhe planeve të trajnerit Edi Martini. Vetë faqja zyrtare shkruan se Darko Nikac dhe Roni Gashi do të largohen.
Në këto kushte, Teuta është në kërkim të një sulmuesi për të gjetur rrugën e rrjetës. Pikërisht në këtë aspekt që ka çaluar që nga nisja e sezonit në Superiore. Klubi durrsak i ka falenderuar futbollistët e sipërpërmendur për kontributin e dhënë, ndërsa pas spastrimeve është radha për afrimet e reja. /Sport Ekspres/