Skënderbeu mendon për të tashmen, por sidomos për të ardhmen. Sot klubi korçar ka mbyllur përfundimisht marrëveshjen me Apoloninë për blerjen e sulmuesit Blerim Krasniqi.
Bëhet fjalë për sulmuesin më të mirë të Kategorisë së Parë, të paktën duke parë shifrat impresionuese të djaloshit 21-vjeçar, i cili ka shënuar 11 gola në 11 ndeshje këtë sezon, duke kryesuar listën e golashënuesve në Kategorinë e Parë.
Sezonin e shkuar Krasniqi shënoi 9 gola në 25 ndeshje kampionati dhe një sezon më parë 4 gola. Rritja e tij ka qenë e jashtëzakonshme dhe të bën përshtypje fakti që nuk është bërë asnjëherë pjesë e Shqipërisë U-21.
Megjithatë, sy për talentet ka Skënderbeu, që ka mbyllur gjithçka me Apoloninë dhe sot kavajasi shtatlartë është ndarë me shokët dhe stafin e Apolonisë, duke u nisur për në Turqi.
