Kukësi është duke punuar në merkato për të krijuar skuadrën për sezonin e ri, ku nuk kanë munguar afrimet që pritet të shtojnë cilësinë në kampin verilindor. Por përpos eksperiencës dhe emrave të ardhur nga jashtë, klubi kuksian ka vendosur ti japë besim edhe filizave të tij.
Kështu, skuadra ka kthyer sytë nga akademia dhe zyrtarizon firmën në një kontratë 5-vjeçare me Xhoi Hajdërajn. Mesfushori 21-vjeçar është duke u stërvitur prej kohësh me ekipin e parë, duke bindur drejtuesit ti japin besim afatgjatë për të ardhmen./Halit Delibashi-Sport Ekspres/