Tashmë është gjithçka zyrtare. Federiko Kiesa do të vishet bardhezi. Juventusi bën kështu goditjen e madhe në limitet e merkatos, duke sjellë në Torino një nga talented më të çmuara të Serie A. Lojtari i Fiorentinës ka shkëlqyer me violët këto vite, duke tërhequr vëmendjen e shumë klubeve të mëdha. Megjithatë “zonja e vjetër” ka djegur çdo konkurencë të mundshme dhe siguron firmën në kontratën që e mban të lidhur me klubin deri në vitin 2022.
Formula është ajo e huazimit, ndërsa në fund të 2022-shit kampionët e Serie A mund të ushtrojnë të drejtën e blerjes për vlerën e 40 milionë eurove, që do të paguhet në 3 këste. Ndërkohë për huazimin do të dalin nga arkat e Juventusit 10 milionë euro, prej të cilave 3 milionë do të paguhen për vitin e parë, ndërsa 7 të tjerat për vitin e dytë të qendrimit në Torino./Halit Delibashi-Sport Ekspres/
? UFFICIALE | @federicochiesa è Bianconero! ??#WelcomeChiesa #LiveAhead
— JuventusFC (@juventusfc) October 5, 2020