Ish-lojtari i Partizanit, Caleb Ekuban ka bërë një hap të madh në karrierën e tij, teksa ka firmosur ditën e sotme për Genoan. Lajmi u bë i ditur nga faqa zyrtare e klubit të Serisë A në rrjetin social “Twitter”.
Ekuban pritet të bëjë debutimin e tij me fanellën e Genoas, në ndeshjen ndaj Interit në “San Siro” në 21 gusht. Pas largimit nga Partizani, karriera e Ekuban ka pësuar vetëm rritje. Sezonin e kaluar, 27-vjeçari u aktivizua në Turqi tek skuadra e Trabzonspor./Elio Hajdari-Sport Ekspres/