Lajmi ishte në ajër, por pritej zyrtarizimi, që ka ardhur sonte në mbrëmje. Andre Shyrrle ka firmosur me Fulhamin dhe sezonin tjetër do ta shohim në Premier League. Ai është prezantuar menjëherë duke bërë edhe fotografitë me fanellën e re.
“Jam shumë i lumtur që ndodhem këtu, mezi pres të nis. Fulhami ishte klubi i parë që shfaqi interes për mua dhe kjo gjë më kënaqi e lumturoi pa masë. E vlerësova, dhe ky është motivi pse jam këtu”.
Për Shyrrlen u interesua edhe Lacio, por ai tashmë kishte zgjedhur skuadrën londineze.
Kujtojmë që Shyrrle doli kampion bote me Gjermaninë në Botërorin e vitit 2014 në Brazil.