Tashmë është zyrtare. Davide Fratezi është lojtari më i ri i Interit. Zikaltrit kanë arritur marrëveshjen për huazimin e tij për sezonin e ardhshëm, me detyrim blerjen e kartonit të tij për 25 milionë euro në rastvse disa kushte të caktuara arrihen. Ish-mesfushori i Sasuolos ka firmosur kontratën në Milano, për t’u zyrtarizuar më pas nga klubi i Interit përnes kanaleve zyrtare në rrjetet sociale.
Largimi i Brozoviçit pritej të linte më tepër hapërisa në fushë për Kristjan Asllanin, por tashmë mesfushori shqiptar do të ketë një konkurent të ri për vendin e titullarit. Mbetet për t’u parë se cila do të jetë zgjedhja e Simone Inzagit./Halit Delibashi-Sport Ekspres/