Albion Rrahmani është larguar zyrtarisht nga Ballkani. “Xhevahiri” i Ilir Dajës është transferuar te Rapidi i Bukureshtit, duke hedhur një hap të madh në karrierë. Zyrtarizimi ka ardhur edhe nga vetë klubi i njohur sa i përket afrimit më të ri.
Kështu trajneri shqiptar shkruan një tjetër histori. Rrahmani u ngrit jo pak në momentin kur Daja shkoi te Ballkani dhe thuhet se transferimi i tij është bërë për 600 mijë euro, megjithëse ende nuk është zyrtarizuar një gjë e tillë. Nëse kjo rezulton e vërtetë, do të flisnim për transferimin më të shtrejtë në historinë e Kosovës. /Elio Hajdari-Sport Ekspres/