Partizani ka njoftuar se Bruno Telushi nuk është më pjesë e klubit. Kapiteni e nisi nga stoli ndeshjen e fundit kundër Bate Borisovit, dukë dhënë shkëndija se ndoshta nuj do të kishte hapësirat e duhura këtë sezon me kampionët e Superiores. Klubi kryeqytetas ka zyrtarizuar ndërprerjen e bashkëpunimit mes palëve përmes faqes zyrtare në “Facebook”.
“Partizani njofton mbylljen e bashkëpunimit me Bruno Telushin. Mesfushori dhe klubi kanë vendosur të ndërpresin me mirëkuptim kontratën mes tyre.
Falenderojmë Bruno Telushin për kontributin e dhënë në këtë sezon, ku për një pjesë të ndeshjeve mbajti edhe shiritin e kapitenit. Klubi i uron shumë suksese Telushit në vazhdim të karrierës së tij”, ka njoftuar klubi Partizani./Halit Delibashi-Sport Ekspres/