Më 11 gusht, gjatë bisedës me gazetarët, presidenti i Legia Varshavës, Dariuzh Mioduski, do të deklaronte se Armando Sadiku ishte futbollisti më i shtrenjtë në historinë e Legia Varshavës, por e vërteta është krejt një tjetër dhe shqiptari nuk ka kushtuar 1,5 milionë euro aq sa edhe u shkruajt në atë kohë, por më pak se gjysma e asaj shifre. Sipas portalit polak, weszo.com, Sadiku ka kushtuar vetëm 500 mijë euro, një shifër të cilën e arkëtoi Zyrihu. Praktikisht, Sadiku nuk është më i shtrenjti në histori për Legian, por i dyti, pasi nuk i afrohet as 800 mijë eurove që kushtoi Ariel Borusiuk.