Sulmuesi i Kristal Palas, Uilfred Zaha, është një ndër futbollistët më të kërkuar në kampionatin anglez. 25-vjeçari po shkëlqen me ekipin londinez, ku dhe është lojtari më i paguar skuadrës me një kontratë nga e cila përfiton 6 milionë paundë në sezon.
Një pjesë të mirë të të ardhurave, Zaha i shpenzon për pasionin e tij më të madh makinat luksoze. Koleksioni i futbollistit të lë pa fjalë. Dy “Lamborghini Aventador” dhe”Lamborghini Gallardo” janë makinat më luksoze, ndërkohë që më pas vijnë fuoristradat luksoze Mercedes G63 AMG , Porsche Cayenne , Range Rover Evoque. Ndërkohë një makinë speciale është dhe Rolls Royce Wraith me vlerë 300000 paundë.
