Pas dështimit për të fituar kampionatin, Inter ka filluar të mendojë për rinovimet e kontratave të lojtarëve në skadencë. Një emër i nxehtë këtë merkato padyshim do të jetë Ivan Perisic, i cili ka refuzuar rinovimin. Sipas gazetave italiane, kroati ka arritur një marrëveshje me Tottenham për tu transferuar me parametra 0.
Interi nuk mundi të arrijë një marrëveshje me Perisic pasi ata nuk mundën të ofrojnë shumën e kërkuar. Vonesa e gjatë në bisedime dhe oferta e ulët ka shtyrë mesfushorin të largohet nga klubi zi kaltër. Ivan Perisic do të gjente trajnerin Antonio Conte tek Tottenham./Elio Hajdari-Sport Ekspres/