Armando Broja ka marrë vëmendjen jo vetëm të tifozëve shqiptarë, por edhe të mediave të huaja për shkak të performancës së tij te Southampton. Sulmuesi shqiptar ka arritur që të realizojë tre gola në katër ndeshjet që e ka nisur si titullar.
E vetmja herë kur Broja nuk ka shënuar nga minuta e parë ishte ndeshja ndaj Liverpulit, ku sërish ishte lojtari më i rrezikshëm. Së fundmi është media spanjolle “Fichaje.net” që ka vlerësuar 15 lojtarët që kanë surprizuar për mirë në Premier League. Te kjo listë përfshihet edhe Armando Broja me përshkrimin:
“Sulmuesi është i huazuar nga Chelsea te Southampton dhe ka startuar për shkak të nivelit të dobët të Adam Arsmtrong. Ai luan mrekullisht me Che Adams dhe qetësia për të shënuar është e pabesueshme. Një lojtar për t’u parë”, shkruhet në vlerësim. /Sport Ekspres/